繼早前喺濟州島一處高麗王朝時期寺廟遺址中出土中國北宋錢幣後，韓國方面又再次有一啲重要嘅考古發現，阿史今次就同大家講一講啦！
近日韓國大邱南區政府就宣布，喺當地駐韓美軍沃克營向韓方返還嘅地皮當中，就意外發現到大批文物。據了解，呢次文物發掘工作就係由韓國一家研究機構負責，過程中就出土咗76件陶瓷，其中20件來自高麗時期，56件來自朝鮮王朝時期，另外仲有1枚近代金屬彈殼。
通過以上嘅文物研究同分析，考古團隊就認為沃克營所在地皮過去存在高麗以及朝鮮王朝時期生活區，而相關文物將會再交由韓國嘅國家研究同埋收藏。
原圖嚟自網絡